ياســــــــــــــــــــــــــــــــــمينة

<P align=center>
<P align=center>[size=21]ياسمينة

شفتهم جامعين الورد كله
في يدينك
(يا سمينة...ياسمينه)
وما عرفت اختاروردة فل ... وإلا ياسمينة...؟!
قلت من ذيك البنيّة ...
ناظرتني ... وضحكت
قالت أنا "ياسمينة"
قلت واللي في يدينك ...؟!
قالت اللي في يديني
ورد نرجس مع بنفسج وهذي "وردة ياسمينة"
وكانت الليلة براااد
واجتمعنا
وحقق الله حلمنا اللي حالمينه
والهوى أسرار
وسرنا بقلوبنا يحيا ويموت
وباقي ما انتشر
حافرينه في خفايا قلوبنا
وفي خفاياها بعد دافنينه
وحلفنا اللي قد تعاهدنا عليه
ناقشينه حرف حرف ... وفوق هذا حافظينه
والسماء حاضن قمر
والهوى حاضن عمر
والثرى حاضن مدينة
وموج ... موج
والهواء هب ... وكلنا قمنا نتمايل
والبحر تلعب على حضنة سفينة
وانا لعيونك بحر ... وأنتي لعيوني سفينة
والعبي ...
لا يردك شي
وانتي بعيوني " ذهب " ...
والذهب " زينة وخزينة "
يا حزينة
ما بقى بالعمر ما نحزن عليه
باقي ايام ... او شهور ... او سنين ...؟!
الله اعلم
خلي نحياها فرح
ونسكن في زواياها غرام
و وش يكون يكون
وكل راس مايدله غير عينه
وانا لعيونك غدير
وانتي بحضني غصن ... فيه وردة ياسمينة
آه ...
يا فديتك
وين ابلقى مثل خصرك ...؟!
هو مثل خصرك خصر ...؟!
ان مشيتي قلت انا " لا ينهصر "
وان جلستي قلت انا " لا ينكسر "
وان حضنتك حيل احسه " ينعصر "
وفيك خَدْ ... وفيك قدْ ...
وفيك للعشاق ود
وعد وإلا لا تعد
لا طويلة
لا قصيرة
لا نحيفة
لا سمينة
بس وردة ياسمينة
كل شيٍ فيك يصرخ
" انا أُنثى "
"أنا أُنثى "
" أنا أُنثى ومن هويته صرت خاتم في يمينه ...
يااااااااااااه ... ومن تولع في هواي الله يعينه "
شوفي اللوحة بعيني
بنيّة ... يغازلها ولد
والبنيّة تحتها وردة ربيع وراوية
والولد تحته صحاري ... ظامية
والبنيّة كن ضحكتها سحاب
والولد يبكي قهر ... و فوق هذا حاسدينة
والعيون تموت في حضن العيون
واحلى انواع الهوى " عشق الجنون "
وانا مجنونك
وافخر انواع المشاعر " عشق شاعر "
وانا شاعر
يوم يتغزل تذوب له البنيّة
ويعرف انواع الهوى
ويعرف انواع الغرام
ويعرف انواع البنات
بالهوى افنى سنينه
والمشاعر بالهوى طهر ... ونقى
والوعد يموت ما شاف اللقاء
والمعاني سامية
يا سامية
يا ... ياسمينة ...!!
والهوى مهما تخبى ... صايدينه لجل عينك صايدينه
ولوحتك اجمل كثير من ملامح لوحتي
فيها شمس ...
وفيها ليلٍ ما ينام
والقمر فيها بعد ... فوق صدرك راسمينه
يا غنج
يا دلع
يا ولع
يا دلال
يا نعومة
يا ميوعة
يا تغلي
يا حبيبة
يا لبيبة
يا طبيبة
يا بعد كل البنات
يا بعد عمري انا
يا شموس
ياضنينٍ مات في ضمة ضنينه
ردي لجفني ولو ساعة منام
وش تبين بموتتي ...؟!
ما خبرتك قاسية
وانتي تاجي فوق راسي
وكل ناسي
بذمتك ماهيب شينة ...؟!
إلا والله ...حيل شينة
[/size]

زائر

يا اروع ما قرأته و اجمل اكلام رأت به عيني

من له احاسيس و مشاعر يلاحظ رقةوحنان و دلع ياسمينة

الياسمين رمز الجمال و الحنان
الياسمين رمزالقلوب الطيبة

لك مني كل الاعجاب و التقدير علىالقصيدة ارائة

كلمات معبره .,.

آسلوب راقي .,.

يعطيك العافيه

سلمتِ وسلم لنا آحسآسك .,.

ماننحررررم من ابداااااعكـ

كم كانت كلماتكِ رائعه في معانيها
فكم استمتعت بموضوعك الجميل
بين سحر حروفكِ التي
ليس لها مثيل