ومضة عن اهل البيت عليهم السلام

السلام عليكم يااهل بيت النبوه



علي الاكبر نزل كالوا ابو الحسنين
واتحير فكرهم جي لعب سيفــــــه
وخلاهم جثث عـــالغبره مطشرين
مثل ضربة علي من ياخذ بحيفـــه


مطبوره على شانك هامت الحبوك
ومورمه الصدور من اللطــــم حيل
دم عيوني صبت عـــافت الدمعــات
ومتوني على حبك عشكت الزنجيل


المسيح يكول لو عدنـــــــه الحسين
جا دعينه الناس باسمه للمسيحيه
اذا" كلش عظيم حسين عند الناس
ومن هذا حجيهم كلهه شيعيــــــــه


زين وناس أكو وما عندك عـيـون
آنه عيون عندي وما شفت نــاس
گبل عباس أكو بس ما لگه إچفـوف
هسه إچفوف اكو بس ماكو عبـاس

أكو باقين بس عن گلبي راحــو
وأكو راحو بنص الگلب باقــين
ظلم كل آدمي إتسمونه إنســان
وجريمة كل علي إتسمونه أبو حسين

گبل آدم إنته مولود أعتقـــد
گبل آدم إنته ما بيهه مجـــال
والدليل شگد سهل من فكـرت
الكل إبن آدم وآدم من تــراب
وأبو إتراب إنته إذن گبله صرت

حاول ترسم شجرة وكيحة .. تضحك من يضربها الفاس ...
وحاول ترسم واحد ميّت .. روحه وردّه إتدوسه الناس ...
وحاول ترسم خد الذل ... إيجدي البوس وما ينباس ...
وحاول ترسم عاگول إشتم عطر اليــــــاس ...
بس كلش لتحاول ترسم ... وضع حسين من شاف چفوف العبــّاس . :


على هموم العشك عودنه الكلوب
وعلى حبل الصبر مشينه حبنه
وتعلمنه الحزن والدمع والنوح
وزرعنه الطيب بدروب اليحبنه
وطيرنه الفرح بجناح الطيور
الك مرسال نهديلك كلبنه
يمحبوبي العشك مو كلمه تنكال
ولا كلمة احبك سهله عدنه
هاي الناس حبه بس بالوجوه
وحنه بالكلب خضر عشكنه
مع اجمل تحياتي للجميع

مــــو كُلمــن قريـــب العيـــن تفــرح بيـــه
ولا كلمـــــن بعيـــــــد العيـــــــن تنســـــاه
بعــض النـاس يمـك بــس تحســـه بعيــــد
وبعـض الناس تبعــــد مـن تريــد رضـــاه
واكـــو بيـــهـم غصــــب يبتعــــد مجبـــور
وتحـــب قربـــــه رغـم مـا عايـــش ويــاه



أريد أگعد گبالك لحضة عين بعين
بلكي وياك أنسة همومي واحزاني
واريد بقفص حبك أبقه مسجون
ولا اطلع برائه وأنت سجاني
أجيتك تايه أني بغير عنوان
لأن أعرف محبتك هيه عنواني
شدلاني عليك وأنت عني بعيد
غير الگلب حبك.... وهو دلاني
ياليلي ونهاري وكلشي بيه يعيش
ياأمي وأبوية واغلى خلاني .


فنان من احب وبكيفي احــط الوان
ولونك من ضوه بكل لوحــــه خطيته
مااحلم گبل ماريــــــــد اتعب العين
بس طيفك اجـــــــــه وعالعين دليته
شفت البلحلم چنه انتة صحـــت الله
كظيت الحلم ولصـــــــدري ضميته
مو انته وگلت لا والله انتة يجــــــــوز
چنه انته وخدعنـــــي مــن انهجم بيته