][وسط آلزحآم وصآرت آلعين بآلعين][

][وسط آلزحآم وصآرت آلعين بآلعين][

عقب الفراق وعقب ماراحت أسنيـن
جابتني الصدفه مع ( الزين كلـه )

وسط الزحام وصارت العيـن بالعيـن
كـل ٍ تسـمّـر ماتـعـدى محـلـه

قلت : السلام وقالت : أهلين وسهليـن
قلت: عرفتيني ؟ قالت : العالـم الله

لا والله إلا انتـي عنـود المزايـيـن
قلب المولـع مانسـى عـرف خلـه

مير أطلعي عن زحمة السوق تكفيـن
فـي وسـط قلبـي غيمـة ٍ مستهلـه

عندي كلام بخاطـري كـان ترضيـن
عقد ٍ من الماضـي عسـى اللهٍ يحلـه

والوضع محرج مثل منتـي تشوفيـن
ضجه .. ونظـرات الملاقيـف علـه

قالـت: تفضـل مانـرد العزيـزيـن
منشان عينـك نتـرك السـوق كلـه

في معزل ٍ يبعد عن السـوق متريـن
فرغت هـرج ٍ فـي خفوقـي يشلـه

قلت : أخبريني عنك ؟ قالت : معافين
عنـدي عيـال وساكنـه وسـط فلـه

وأنت شعلومك ؟ قلت: انا أبشرك زين
خيـر كثيـر ونعـمـة ٍ مسفهـلـه

لا شك في قلبـي رمـاح وسكاكيـن
شئ ٍ جرالـي منـك ماطـاب غلـه

أنتي علامـك فـي حبيبـك تخونيـن
وأنـا احسـب أنـك مـا تخونيـن لله

قالت : ظليمـه تتهـم اللـى برييـن
أنا أنتظرتـك والوعـد طـاف حلـه

طافت سنه واربـع ليالـي وشهريـن
أعـدهـن بأيـامـهـن والأهـلــه

قلت : العذر يازيـن مايوفـي الديـن
بعـض السوالـف لعنبوهـا مـذلـه

انـا نطرتـك ليـن طفـت الثلاثيـن
مـا قلـت أبـدّل صاحبـي وأتدلـه

تنهدت أرخت هـدب ناعـس العيـن
وأقفت وهي تدمـع المحاجـر تهلـه

وأنا بكيت وصـار بالقلـب جرحيـن
جرح الفراق .... وصدفة الزين كله

رآقت لي ..~

وأنا بكيت وصـار بالقلـب جرحيـن
جرح الفراق .... وصدفة الزين كله

و ربي روعة القصيدة ..

اختيار كتير حلوو ..

ربي لا يحرمنا من تواجدك امميز

الارؤؤؤؤؤؤؤؤع تواجدك منؤؤؤؤؤؤؤؤؤؤؤر